قلم بن کے کدی سجدے گذاراں یارسول اﷲ- نصابِ غلامی (2019)

قلم بن کے کدی سجدے گذاراں یارسول اﷲ ﷺ
مدینے پاک دا صدقہ اتاراں یارسول اﷲ ﷺ

مرے بُلاں تے وی بیٹھن درودِ پاک دے پنچھی
مرے آنگن دے وچ آون بہاراں یارسول اﷲ ﷺ

مَیں تھاں تھاں تے ثنا لکھاں ہوا بن کے تری آقا ﷺ
مَیں تیرے ناں دی ہُن خشبو کھلاواں یارسول اﷲ ﷺ

کدی مَیں تے وی آواں دا تری کملی دی چھاں اندر
مَیں ہر دکھ، ہر ستم ایتھے سہاراں یارسول اﷲ

خدا دے بعد مینوں اک سہارا مل گیا تیرا
خدا دے بعد مَیں تینوں پکاراں یارسول اﷲ

کبوتر میری سوچاں دے سدا اڑدے نیں طیبہ وچ
کدی ایناں تے وی برسن پھواراں یارسول اﷲ؎